- 专辑介绍
- 歌词
- 专辑列表
- 歌手介绍
江惠仪
-
予我困
作词:江惠仪 作曲:江惠仪
哪会愈行愈近煞愈生份 哪会走揣犹是揣无身份 只有搬著正确的模样 滚绞伫袂倒转的青春
也想欲改酒 也想欲好困 只是错误的感受 毋知按怎吞 按怎吞
想欲穷分 想欲怨恨 想欲接受 其实 也会 穷分 也会 怨恨
掩崁的声音按怎捘 暗暝的空虚按怎坉 我毋知应该按怎熥 一时阵 一时阵
无价的意志无准算 当掉的灵魂拢无䞐 就予我解脱予我困 这时阵 这时阵
一只两只三只四只 按怎算犹是算袂了 一杯两杯三杯四杯 按怎改犹是改袂掉 一改两改三改四改 想袂走犹毋放我煞 一暝两暝三暝四暝 想袂困哪会一直吼
------------------------------------------
18165/《予我困》Hōo Guá Khùn 江惠仪Kang Huī-gî
哪会愈行愈近 ná ē jú kiânn jú kīn 煞愈生份 suah jú tshinn-hūn 哪会走揣 ná ē tsáu-tshuē 犹是揣无身份 iáu-sī tshuē-bô sin-hūn 只有搬著正确的模样 tsí-ū puann tio̍h tsìng-khak ê bôo-iūnn 滚绞伫袂倒转的青春 kún-ká tī buē tò-tńg ê tshing-tshun
也想欲改酒 iā siūnn-beh kái-tsiú 也想欲好困 iā siūnn-beh hó-khùn 只是错误的感受 tsí-sī tshò-gōo ê kám-siū 毋知按怎吞 m̄-tsai án-tsuánn thun 按怎吞 án-tsuánn thun
更多更详尽歌词 在 ※ Mojim.com 魔镜歌词网 想欲穷分 siūnn-beh khîng-hun 想欲怨恨 siūnn-beh uàn-hūn 想欲接受 siūnn-beh tsiap-siū 其实也会穷分 kî-si̍t iā ē khîng-hun 也会怨恨 iā ē uàn-hūn
掩崁的声音按怎捘 am-khàm ê siann-im án-tsuánn tsūn 暗暝的空虚按怎坉 àm-mî ê khang-hi án-tsuánn thūn 我毋知应该按怎熥 guá m̄-tsai ing-kai án-tsuánn thn̄g 一时阵 tsi̍t-sî-tsūn 一时阵 tsi̍t-sî-tsūn
无价的意志无准算 bô-kè ê ì-tsì bô tsún-sǹg 当掉的灵魂拢无䞐 tǹg-tiāu ê lîng-hûn lóng bô tshun 就予我解脱予我困 tiō hōo guá kái-thuat hōo guá khùn 这时阵 tsit sî-tsūn 这时阵 tsit sî-tsūn
↓---(尾段细声背景伴唱)---↓ 一只两只三只四只 tsi̍t-tsiah nn̄g-tsiah sann-tsiah sì-tsiah 按怎算 án-tsuánn sǹg 犹是算袂了 iáu-sī sǹg buē-liáu 一杯两杯三杯四杯 tsi̍t-pue nn̄g-pue sann-pue sì-pue 按怎改 án-tsuánn kái 犹是改袂掉 iáu-sī kái buē-tiāu 一改两改三改四改 tsi̍t-kái nn̄g-kái sann-kái sì-kái 想欲走 siūnn-beh tsáu 犹毋放我煞 iáu m̄ pàng guá suah 一暝两暝三暝四暝 tsi̍t-mî nn̄g-mî sann-mî sì-mî 想欲困 siūnn-beh khùn 哪会一直吼 ná ē it-ti̍t háu ↑---(尾段细声背景伴唱)---↑
- 感谢 W.B. Chen 修正歌词
- 友站连结: W.B. Chen
|