- 专辑介绍
- 歌词
- 专辑列表
- 歌手介绍
江惠仪
-
桥跤
作词:江惠仪 作曲:江惠仪
今日佮昨日 敢有无仝 仝款一个 寒冷的夜 乌暗的桥跤 孤单一个人 缀著水流声 唱入梦
一领破旧的红 闸袂牢风寒 由在风咧戏弄 雨沃澹了衫 敢是佮我相仝 行了伤远 袂得振动 毋愿越头嘛毋闪避
桥跤的人影 喝甲梢声予谁听 无日无夜 汗嘛缀著 河水流袂焦 一直踮伫遮 等待相仝的心情 只是今日 犹未等著 经过的人
日时佮暗暝 嘛是相仝 桥跤仝款 照无日头 风沙搧袂停 一层一层咧叠 残缺的衫 嘛会守护我的红
覕著风 覕著雨 走袂离的寒 带着苦 带着伤 犹坚定咧等
桥跤的人影 喝甲梢声予谁听 无日无夜 汗嘛缀著 河水流袂焦 一直踮伫遮 等待相仝的心情 只是今夜 犹是等无 经过的人
等彼一工 跳落水岸 等彼一工 就会无仝(我会无仝) 换几日专工收看 换几段生份纪念 只是桥跤 犹是桥跤
仝款一个 寒冷的夜 仝款孤一个 徛伫桥跤 拍落风沙 一工阁过一工 仝款向望 今日会当无仝
桥跤的人影 等待相仝的心情 风雨紧大 掩崁我的孤单我的吼 身躯踮伫遮 灵魂缀著河水去做梦 做着一个 行袂振动的人 河水若焦 会看着沉落的红
------------------------------------------
18164/《桥跤》Kiô-kha 江惠仪Kang Huī-gî
今日佮昨日 kim-ji̍t kah tso-ji̍t 敢有无仝 kám ū bô-kāng 仝款一个寒冷的夜 kāng-khuán tsi̍t-ê hân-líng ê iā 乌暗的桥跤 oo-àm ê kiô-kha 孤单一个人 koo-tuann tsi̍t-ê-lâng 缀著水流声 tuè tio̍h tsuí-lâu siann 唱入梦 tshiùnn ji̍p-bāng
一领破旧的红 tsi̍t-niá phuà-kū ê âng 闸袂牢风寒 tsa̍h buē-tiâu hong-kuânn 由在风咧戏弄 iû-tsāi hong teh hì-lāng 雨沃澹了衫 hōo ak-tâm liáu sann 敢是佮我相仝 kám-sī kah guá sio-kāng 行了伤远 kiânn-liáu siunn hn̄g 袂得振动 buē-tit tín-tāng 毋愿越头 m̄-guān ua̍t-thâu 嘛毋闪避 mā m̄ siám-pī
桥跤的人影 kiô-kha ê lâng-iánn 喝甲梢声予谁听 huah kah sau-siann hōo siáng thiann 无日无夜 bô-ji̍t bô-iā 汗嘛缀著河水流袂焦 kuānn mā tuè tio̍h hô-tsuí lâu buē ta 一直踮伫遮 it-ti̍t tiàm-tī tsia 等待相仝的心情 tán-thāi sio-kāng ê sim-tsiânn 只是今日 tsí-sī kim-ji̍t 犹未等著经过的人 iáu-buē tán tio̍h king-kuè ê lâng
日时佮暗暝 ji̍t--sî kah àm-mî 嘛是相仝 mā sī sio-kāng 桥跤仝款照无日头 kiô-kha kāng-khuán tsiò-bô ji̍t-thâu 更多更详尽歌词 在 ※ Mojim.com 魔镜歌词网 风沙搧袂停 hong-sua siàn buē-thîng 一层一层咧叠 tsi̍t-tsân tsi̍t-tsân teh tha̍h 残缺的衫 tsân-khueh ê sann 嘛会守护我的红 mā ē siú-hōo guá ê âng
覕著风覕著雨 bih tio̍h hong bih tio̍h hōo 走袂离的寒 tsáu buē-lī ê kuânn 带着苦带着伤 tuà tio̍h khóo tuà tio̍h siong 犹坚定咧等 iáu kian-tīng teh tán
桥跤的人影 kiô-kha ê lâng-iánn 喝甲梢声予谁听 huah kah sau-siann hōo siáng thiann 无日无夜 bô-ji̍t bô-iā 汗嘛缀著河水流袂焦 kuānn mā tuè tio̍h hô-tsuí lâu buē ta 一直踮伫遮 it-ti̍t tiàm tī tsia 等待相仝的心情 tán-thāi sio-kāng ê sim-tsiânn 只是今夜 tsí-sī kim-iā 犹是等无经过的人 iáu-sī tán-bô king-kuè ê lâng
等彼一工 tán hit-tsi̍t-kang 等彼一工 tán hit-tsi̍t-kang 跳落水岸 thiàu-lo̍h tsuí-huānn 跳落水岸 thiàu-lo̍h tsuí-huānn 等彼一工 tán hit-tsi̍t-kang 等彼一工 tán hit-tsi̍t-kang 就会无仝 tiō ē bô-kāng 我会无仝 guá ē bô-kāng
换几日专工收看 uānn kuí-ji̍t tsuan-kang siu-khuànn 换几段生份纪念 uānn kuí-tuānn tshinn-hūn kì-liām 只是桥跤 tsí-sī kiô-kha 犹是桥跤 iáu-sī kiô-kha
仝款一个寒冷的夜 kāng-khuán tsi̍t-ê hân-líng ê iā 仝款孤一个徛咧桥跤 kāng-khuán koo tsi̍t-ê khiā tih kiô-kha 拍落风沙 phah-lo̍h hong-sua 一工阁过一工 tsi̍t-kang koh kuè tsi̍t-kang 仝款向望 kāng-khuán ǹg-bāng 今日会当无仝 kim-ji̍t ē-tàng bô-kāng
桥跤的人影 kiô-kha ê lâng-iánn 等待相仝的心情 tán-thāi sio-kāng ê sim-tsiânn 风雨紧大 hong-ú kín tuā 掩崁我的孤单 am-khàm guá ê koo-tuann 我的吼 guá ê háu 身躯踮伫遮 sin-khu tiàm-tī tsia 灵魂缀著河水 lîng-hûn tuè tio̍h hô-tsuí 去做梦 khì tsuè-bāng 做着一个 tsuè tio̍h tsi̍t-ê 行袂振动的人 kiânn buē tín-tāng ê lâng
河水若焦 hô-tsuí nā ta 会看着沉落的红 ē khuànn-tio̍h tîm--lo̍h ê âng
- 感谢 W.B. Chen 修正歌词
- 友站连结: W.B. Chen
|