- Lyrics
- Album list
張四十三
-
異鄉的人
《異鄉的人》Ī-hiong ê Lâng
張四十三Tiunn Sì-tsa̍p-sann
Lyricist：Zhang43
Composer：Zhang43
Arranger：鄭捷任
真想欲問天頂的雲
tsin siūnn-beh mn̄g thinn-tíng ê hûn
敢會使
kám ē-sái
牽你的衫綴你行
khan lí ê sann tuè lí kiânn
飄過山嶺
phiau kuè suann-niá
阮想欲偷偷仔看
gún siūnn-beh thau-thau-á khuànn
伊胭脂
i ian-tsi
敢有為阮繼續抹
kám ū uī gún kè-sio̍k buah
真想欲問經過的風
tsin siūnn-beh mn̄g king-kuè ê hong
你敢會
lí kám ē
吹過故鄉彼粒山
tshue kuè kòo-hiong hit lia̍p suann
去共探聽
khì kā thàm-thiann
彼爿的厝邊佮親情
hit-pîng ê tshù-pinn kah tshin-tsiânn
三月十八廟鬧熱
sann-gue̍h tsa̍p-peh biō lāu-jia̍t
敢有欲請
kám ū beh tshiánn
毋知寫過
Find more lyrics at ※ Mojim.com
m̄-tsai siá kuè
偌濟條的歌
guā-tsuē tiâu ê kua
毋知欲唱予啥人聽
m̄-tsai beh tshiùnn hōo siánn-lâng thiann
毋知唸過
m̄-tsai liām kuè
多少青春的孤單
to-siáu tshing-tshun ê koo-tuann
戲是欲搬予啥人看
hì sī beh puann hōo siánn-lâng khuànn
下暗又閣
e-àm iū-koh
來到莊跤店仔
lâi-kàu tsng-kha tiàm-á
燒酒一杯
sio-tsiú tsi̍t-pue
配憂愁啉予焦
phuè iu-tshiû lim hōo ta
店的頭家講
tiàm ê thâu-ke kóng
阮哪會遮爾罕行
gún ná ē tsiah-nī hán-kiânn
問阮敢有所通好蹛
mn̄g gún kám ū sóo-tsāi thang-hó tuà
阮是雲飄過的異鄉的人
gún sī hûn phiau--kuè ê ī-hiong ê lâng
流浪在都市做眠夢
liû-lōng tsāi too-tshī tsuè-bîn-bāng
阮是風吹過的異鄉的人
gún sī hong tshue--kuè ê ī-hiong ê lâng
暗夜伴路燈無人送
àm-iā phuānn lōo-ting bô-lâng sàng
- Special thanks to W.B. Chen for sharing the lyric.
- Related Links： W.B. Chen
|
