- Lyrics
- Album list
- Singer Intro
林俊逸
-
予你的歌
Lyricist:林俊逸 Composer:林俊逸 Arranger:林俊逸
我來寫歌 欲予妳聽 歌詩有妳 妳咧叫我 世途茫茫 有妳作伴 這段路 袂孤單
我來唱歌 唱予妳聽 歌詩有妳 妳敢知影 世界花花 路無好行 莫回頭 毋通驚
雖然毋願妳走 但是毋甘妳痛 緣份已經到站 牽妳的手我會放 妳的笑容 妳的形影 妳陪伴我的每一工 我會永遠共囥佇心肝
萬項請妳放下 萬事我會撙節 最後一句再會 我會保重妳莫牽掛 惜別的時 攏無遺憾 準講目屎撥袂乾 烏雲若散 日頭會開闊
時間如流水 歲月催咱走 點點滴滴 全部喝做一聲 感謝天公伯啊
我來唱歌 唱乎妳聽 歌詩有妳 我唱甲梢聲 天地闊闊 來去不由我 等夢中 相會吧
雖然毋願妳走 但是毋甘妳痛 緣份已經到站 牽妳的手我會放 妳的笑容 妳的形影 妳陪伴我的每一工 我會永遠共囥佇心肝
萬項請妳放下 萬事我會撙節 最後一句再會 我會保重妳莫牽掛 惜別的時 攏無遺憾 準講目屎撥袂乾 烏雲若散 日頭會開闊
時間如流水 歲月催咱走 輕聲細說 最後閣講一聲 感謝啦
------------------------------------------
22235/《予你的歌》Hōo Lí ê Kua 林俊逸Lîm Tsùn-i̍t
我來寫歌 guá lâi siá kua 欲予你聽 beh hōo lí thiann 歌詩有你 kua-si ū lí 你咧叫我 lí teh kiò guá 世途茫茫 sè-tôo bâng-bâng 有你做伴 ū lí tsuè-phuānn 這段路袂孤單 tsit tuānn lōo buē koo-tuann
我來唱歌 guá lâi tshiùnn-kua 唱予你聽 tshiùnn hōo lí thiann 歌詩有你 kua-si ū lí 你敢知影 lí kám tsai-iánn 世界花花 sè-kài hua-hua 路無好行 lōo bô-hó kiânn 莫回頭 mài huê-thâu 毋通驚 m̄-thang kiann
雖然毋願你走 sui-jiân m̄-guān lí tsáu 但是毋甘你疼 tān-sī m̄-kam lí thiànn 緣份已經到站 iân-hūn í-king kàu-tsām 牽你的手我會放 khan lí ê tshiú guá ē pàng 你的笑容 lí ê tshiò-iông 你的形影 lí ê hîng-iánn 你陪伴我的每一工 lí puê-phuānn guá ê muí tsi̍t-kang 我會永遠 guá ē íng-uán Find more lyrics at ※ Mojim.com 共囥佇心肝 kā khǹg tī sim-kuann
萬項請你放下 bān-hāng tshiánn lí hòng-hā 萬事我會撙節 bān-sū guá ē tsún-tsat 最後一句再會 tsuè-āu tsi̍t-kù tsài-huē 我會保重 guá ē pó-tiōng 你莫牽掛 lí mài khian-kuà
惜別的時 sioh-pia̍t ê sî 攏無遺憾 lóng bô uî-hām 準講目屎掰袂焦 tsún kóng ba̍k-sái pué buē ta 烏雲若散 oo-hûn nā suànn 日頭會開闊 ji̍t-thâu ē khui-khuah
時間如流水 sî-kan jû lâu-tsuí 歲月催咱行 suè-gua̍t tshui lán kiânn 點點滴滴 tiám-tiám-tih-tih 全部喝做一聲 tsuân-pōo huah-tsuè tsi̍t-siann 感謝天公伯仔 kám-siā thinn-kong-peh--á
我來唱歌 guá lâi tshiùnn-kua 唱予你聽 tshiùnn hōo lí thiann 歌詩有你 kua-si ū lí 我唱甲梢聲 guá tshiùnn kah sau-siann 天地闊闊 thinn-tē khuah-khuah 來去不由我 lâi-khì put-iû guá 等夢中相會吧 tán bāng-tiong siong-huē--pah
雖然毋願你走 sui-jiân m̄-guān lí tsáu 但是毋甘你疼 tān-sī m̄-kam lí thiànn 緣份已經到站 iân-hūn í-king kàu-tsām 牽你的手我會放 khan lí ê tshiú guá ē pàng 你的笑容 lí ê tshiò-iông 你的形影 lí ê hîng-iánn 你陪伴我的每一工 lí puê-phuānn guá ê muí tsi̍t-kang 我會永遠 guá ē íng-uán 共囥佇心肝 kā khǹg tī sim-kuann
萬項請你放下 bān-hāng tshiánn lí hòng-hā 萬事我會撙節 bān-sū guá ē tsún-tsat 最後一句再會 tsuè-āu tsi̍t-kù tsài-huē 我會保重 guá ē pó-tiōng 你莫牽掛 lí mài khian-kuà
惜別的時 sioh-pia̍t ê sî 攏無遺憾 lóng bô uî-hām 準講目屎掰袂焦 tsún kóng ba̍k-sái pué buē ta 烏雲若散 oo-hûn nā suànn 日頭會開闊 ji̍t-thâu ē khui-khuah
時間如流水 sî-kan jû lâu-tsuí 歲月催咱行 suè-gua̍t tshui lán kiânn 輕聲細說 khin-siann-sè-sueh 最後閣講一聲 tsuè-āu koh kóng tsi̍t-siann 感謝啦 kám-siā--lah
- Special thanks to W.B. Chen for correcting the lyric.
- Related Links: W.B. Chen
|