- Album Intro
- Lyrics
- Album list
- Singer Intro
黑名單工作室
-
計程車
計程車 跑得快 下雨天 他最跩 給他錢賺 他甩都不甩
嘿嘿TAXI 你開往何處 嘿嘿TAXI 你開往何處 嘿嘿TAXI 你開往何處 嘿嘿TAXI 你開往何處
[以下台語] 透早出門 走東往西 認真做生意 為著生活 大街小巷 哇拼到強袂死 不管長途短途 哇攏四處載 人客叫我往東 我不敢往西
[台語對白] 計程車呀! 袂去哪? 忠孝東路四段啦! 不去啦~ 是怎樣? 塞車啦~你不知道台北的交通唷!? 錢要給你賺你也不要?? 阮刀好野人~不願啦~~ ㄚ沒你是開車出來'ㄙㄡˊ'ㄟ唷?
七八九點 上班時間 生意最好作 你擠我擠 沒人要讓 擠擠做一夥 堵到青燈 車駛不走 心內整把火 半點多鐘 才跳一格 賺錢哪ㄟ多 交通電台 為你放送 市內路歹過 叫咱大家 若沒事情 不通進來ㄙㄟ 交通警察 給人罵到 滿臉全豆花 堵到黃燈 油門踩落 咻一個就給過
駛卡慢捏 駛卡慢捏 運將先生 安那?? 駛車不能親像那個飛行機正在飛 你給我管?? 你擋不住 我若破相 叫我怎樣賠? 你家ㄟ事情啦! 警察抓到 整天賺的 你就不夠賠! 小~姐 小姐~~你不用怕 哇ㄟ技術 你挺賀去探聽 我卡早 做兵 是在駛戰車 撞死的不算 受傷的至少有幾百名
運~將的頭路ㄚ 算來是不錯 自由自在要做嗯做 在咱來 只要~打拼 來駕駛 一天收入至少也有一兩開 六月天是火燒埔 車內熱到若火爐 人在車內臉反黑 冷氣放到人感冒 若是遇到歹人客 整路一直甲咱灰 不知這個是什麼底 害咱不敢多講話 一年要繳萬萬稅 有車無牌真怨世 看人賓士ㄟ在遊街 咱ㄟ命哪ㄟ這麼衰 好加在咱是一個樂天派 透風落雨夠卡艱苦也得駛 正當ㄟ頭路阿 不怕給人知 三更半夜 要去哪裡 作你來 透早出門 走東撞西 認真做生意 為著生活 大街小巷 哇拼到強袂死 不管長途短途 哇攏四處載 運將的兄弟呀 大家就打拼ㄟ!!!
嘿嘿TAXI 你開往何處 嘿嘿TAXI 你開往何處 嘿嘿TAXI 你開往何處 嘿嘿TAXI 你開往何處
嘿嘿TAXI 你開往何處 嘿嘿TAXI 你開往何處 嘿嘿TAXI 你開往何處 嘿嘿TAXI 你開往何處
嘿嘿TAXI 你開往何處 嘿嘿TAXI 你開往何處 嘿嘿TAXI 你開往何處 嘿嘿TAXI 你開往何處
...
------------------------------------------
21749/《計程車》Kè-thîng-tshia 林暐哲Lîm Uí-tiat 文英Bûn-ing 張柏舟Tiunn Pik-tsiu
計程車跑得快 jìchéngchē pǎo dé kuài 下雨天他最跩 xiàyǔtiān tā zuì zhuǎi 給他錢賺 gěi tā qián zhuàn 他甩都不甩 tā shuǎi dōu bù zhuǎi
嘿嘿Taxi hēi-hēi Taxi 你開往何處 nǐ kāi wǎng héchù 嘿嘿Taxi hēi-hēi Taxi 你開往何處 nǐ kāi wǎng héchù 嘿嘿Taxi hēi-hēi Taxi 你開往何處 nǐ kāi wǎng héchù 嘿嘿Taxi hēi-hēi Taxi 你開往何處 nǐ kāi wǎng héchù
透早出門 thàu-tsá tshut-mn̂g 行東往西 kiânn-tang óng-sai 認真做生理 jīn-tsin tsuè-sing-lí 為著生活 uī-tio̍h sing-ua̍h 大街小巷 tuā-ke sió-hāng 我拚甲強欲死 guá piànn kah kiōng-beh sí 毋管長途短途 m̄-kuán tn̂g-tôo té-tôo 我攏四界載 guá lóng sì-kuè tsài 人客叫我往東 lâng-kheh kiò guá óng tang 我毋敢往西 guá m̄-kánn óng sai
↓↓(口白)---(口白)↓↓ 女) 計程車啊 kè-thîng-tshia--ah 男) 欲去佗 beh khì toh 女) 忠孝東路四段啦 Tiong-hàu-tang-lōo sì-tuānn--lah 男) 無愛去啦 bô-ài khì--lah 女) 是按怎 sī-án-nuá 男) 窒車啦 that tshia--lah 你毋知影臺北的交通喔 lí m̄ tsai-iánn Tâi-pak ê kau-thong--ooh 女) 錢欲予你趁 tsînn beh hōo lí thàn 你曷無愛 lí a̍h bô-ài 男) 阮兜好額人 gún tau hó-gia̍h-lâng 袂癮啦 bē-giàn--lah 女) 啊無你是開車 ah bô lí sī khui-tshia 出來𨑨迌的啊 tshut-lâi tshit-thô--ê ah ↑↑(口白)---(口白)↑↑
七八九點 tshit pueh káu tiám 上班時間 siōng-pan sî-kan 生理上好做 sing-lí siōng-hó tsuè 你𤲍我𤲍 lí kheh guá kheh 無人欲讓 bô-lâng beh niū 櫼櫼做一伙 tsinn-tsinn tsuè tsi̍t-hué 拄著青燈 tú-tio̍h tshinn-ting 車駛袂行 tshia sái buē kiânn 心內規腹火 sim-lāi kui-pak-hué 半點外鐘 puàn-tiám guā tsing 才跳一格 tsiah thiàu tsi̍t-keh 趁錢哪會濟 thàn-tsînn ná ē tsuē
交通電臺 kau-thong tiān-tâi 為你放送 uī lí hòng-sàng 市內路歹過 tshī-lāi lōo pháinn kuè 叫咱逐家 kiò lán ta̍k-ke 若無代誌 nā bô tāi-tsì 毋通入來踅 m̄-thang ji̍p-lâi se̍h Find more lyrics at ※ Mojim.com 交通警察 kau-thong kíng-tshat 予人罵甲 hōo-lâng mā kah 滿面全豆花 muá-bīn tsuân tāu-hue 拄著黃燈 tú-tio̍h n̂g-ting 油門踏落 iû-mn̂g ta̍h--lo̍h 唀一个就予過 siú--tsi̍t-ē tiō hōo kuè
↓↓(口白)---(口白)↓↓ 女) 駛較慢咧 sái khah bān--leh 駛較慢咧 sái khah bān--leh 運將先生 ùn-tsiàng sia̋n-sé 男) 按怎 án-ná 女) 駛車毋通親像 sái-tshia m̄-thang tshin-tshiūnn 彼號飛行機佇咧飛 hit-lō hue-lîng-ki tī-eh pue 男) 你共人管 lí kā lâng kuán 女) 你擋袂牢 lí tòng buē-tiâu 我若破相 guá nā phuà-siùnn 叫我怎樣嫁 kiò guá tsuánn-iūnn kè 男) 恁兜的代誌啦 lín tau ê tāi-tsì--lah 女) 警察捎著 kíng-tshat sa--tio̍h 規工趁的 kui-kang thàn--ê 你就無夠賠 lí tiō bô-kàu pê ↑↑(口白)---(口白)↑↑
小姐小姐 xiǎozě xiǎozě 你毋免驚 lí m̄-bián kiann 我的技術 guá ê ki-su̍t 你聽好去探聽 lí thìng-hó khì thàm-thiann 我較早做兵 guá khah-tsá tsuè-ping 是咧駛戰車 sī tih sái tsiàn-tshia 挵死的無算 lòng-sí--ê bô-sǹg 受傷的 siū-siong--ê 至少嘛規百名 tsì-tsió mā kui-pah miâ
運將的頭路啊 ùn-tsiàng ê thâu-lōo--ah 算來是無䆀 sǹg--lâi sī bô-bái 自由自在 tsū-iû tsū-tsāi 欲做毋做 beh tsò m̄ tsò 在咱來 tsāi lán lâi 只要拍拚來共駛 tsí-iàu phah-piànn lâi kā sái 一工收入 tsi̍t-kang siu-ji̍p 至少嘛有一兩千 tsì-tsió mā ū tsi̍t-nn̄g tshainn
六月天是火燒埔 la̍k-gue̍h-thinn sī hué-sio-poo 車內熱甲若火爐 tshia-lāi jua̍h kah ná hué-lôo 人佇車內面反烏 lâng tī tshia-lāi bīn huán-oo 冷氣放甲人感冒 líng-khì pàng kah lâng kám-mōo 若是拄著歹人客 nā-sī tú-tio̍h pháinn lâng-kheh 規路一直共咱花 kui-lōo it-ti̍t kā lán hue 毋知這个是啥物底 m̄-tsai tsit-ê sī siánn-mih té 害咱毋敢加講話 hāi lán m̄-kánn ke-kóng-uē
一年愛納萬萬稅 tsi̍t-nî ài la̍p bān-bān suè 有車無牌真怨世 ū tshia bô pâi tsin uàn-sè 看人bèn-juh的咧遊街 khuànn-lâng bèn-juh--ê tih iû-ke 咱的命哪會遐爾衰 lán ê miā ná ē hiah-nī sue
好佳哉 hó-ka-tsài 咱是一个樂天派 lán sī tsi̍t-ê lo̍k-thian-phài 透風落雨 thàu-hong lo̍h-hōo 閣較艱苦 koh-khah kan-khóo 嘛著駛 mā tio̍h sái 正當的頭路啊 tsìng-tong ê thâu-lōo--ah 毋驚予人知 m̄-kiann hōo-lâng tsai 三更半暝仔 sann-kinn-puànn-mî-á 欲去佗位 beh khì tó-uī 做你來 tsuè lí lâi
透早出門 thàu-tsá tshut-mn̂g 行東往西 kiânn-tang óng-sai 認真做生理 jīn-tsin tsuè-sing-lí 為著生活 uī-tio̍h sing-ua̍h 大街小巷 tuā-ke sió-hāng 我拚甲強欲死 guá piànn kah kiōng-beh sí 毋管長途短途 m̄-kuán tn̂g-tôo té-tôo 我攏四界載 guá lóng sì-kuè tsài
運將的兄弟喔 ùn-tsiàng ê hiann-tī--ooh 逐家著拍拚嘿 ta̍k-ke to̍h phah-piànn--heh
嘿嘿Taxi hēi-hēi Taxi 你開往何處 nǐ kāi wǎng héchù 嘿嘿Taxi hēi-hēi Taxi 你開往何處 nǐ kāi wǎng héchù 嘿嘿Taxi hēi-hēi Taxi 你開往何處 nǐ kāi wǎng héchù 嘿嘿Taxi hēi-hēi Taxi 你開往何處 nǐ kāi wǎng héchù
嘿嘿Taxi hēi-hēi Taxi 你開往何處 nǐ kāi wǎng héchù 計程車跑得快 jìchéngchē pǎo dé kuài 嘿嘿Taxi hēi-hēi Taxi 你開往何處 nǐ kāi wǎng héchù 認真拍拚來共駛 jīn-tsin phah-piànn lâi kā sái 嘿嘿Taxi hēi-hēi Taxi 你開往何處 nǐ kāi wǎng héchù 向望有一个好將來 ǹg-bāng ū tsi̍t-ê hó tsiong-lâi 嘿嘿Taxi hēi-hēi Taxi 你開往何處 nǐ kāi wǎng héchù 向望有一个好將來 ǹg-bāng ū tsi̍t-ê hó tsiong-lâi 嘿嘿Taxi hēi-hēi Taxi 你開往何處 nǐ kāi wǎng héchù 認真拍拚來共駛 jīn-tsin phah-piànn lâi kā sái 嘿嘿Taxi hēi-hēi Taxi 你開往何處 nǐ kāi wǎng héchù 向望有一个好將來 ǹg-bāng ū tsi̍t-ê hó tsiong-lâi
- Special thanks to 仁秀 maybebabe W.B. Chen for correcting the lyric.
- Related Links: 仁秀命理Facebook W.B. Chen
|