- Lyrics
- Album list
- Singer Intro
潘越雲
-
胭脂北投-序
口白:潘越雲 Lyricist:林邊 Composer:陳志遠 Arranger:陳志遠
每一個所在,都有每一個所在的故事 但是,無一個所在,親像阮的故鄉....北投 那樣的複雜
過去的北投就是一個美麗的花園 彎彎的山路 種有青青的松樹 樹腳有草 草中有花 滿山充滿了春天的香味 天然的溫泉 飄出溫暖的霧 白茫茫 白茫茫... 親像是天堂
親像一個夢 今日的北投 和過去的北投完全不同 一間一間的大飯店 閃閃爍爍的五彩燈 一群一群的男女 珠光寶氣 出出入入的轎車 換來換去的人客 滿山充滿了煙酒、胭脂的氣味... 不知是美夢還是惡夢 ?
山頂飯店的燈光 依然金熠熠 依然親像阮夢中 天頂的星星 啊 !北投 阮的故鄉 你的純潔哪裡去?
------------------------------------------
8398/《胭脂北投》Ian-tsi Pak-tâu (心情口白) 潘越雲Phuann Ua̍t-hûn
每一个所在 muí tsi̍t-ê sóo-tsāi 攏有每一个所在的故事 lóng ū muí tsi̍t-ê sóo-tsāi ê kòo-sū 但是 tān-sī 無一个所在 bô tsi̍t-ê sóo-tsāi 親像阮的故鄉北投 tshin-tshiūnn gún ê kòo-hiong Pak-tâu 遐爾仔複雜 hiah-nī-á ho̍k-tsa̍p
過去的北投 kuè-khì ê Pak-tâu 就是一个美麗的花園 tiō-sī tsi̍t-ê bí-lē ê hue-hn̂g 彎彎的山路 uan-uan ê suann-lōo 種有青青的松樹 tsìng ū tshinn-tshinn ê siông-tshiū 樹跤有草 tshiū-kha ū tsháu 草中有花 tsháu tiòng ū hue Find more lyrics at ※ Mojim.com 滿山充滿了 muá-suann tshiong-buán liáu 春天的芳味 tshun-thinn ê phang-bī 天然的溫泉 thian-jiân ê un-tsuânn 飄出溫暖的霧 phiau tshut un-luán ê bū 白茫茫 pe̍h-bông-bông 白茫茫 pe̍h-bông-bông 親像是天堂 tshin-tshiūnn sī thian-tn̂g
親像一个夢 tshin-tshiūnn tsi̍t-ê bāng 今仔日的北投 kin-á-jit ê Pak-tâu 和過去的北投 hām kuè-khì ê Pak-tâu 完全無仝 uân-tsuân bô-kâng 一間一間的大飯店 tsi̍t-king tsi̍t-king ê tuā-pn̄g-tiàm 閃閃爍爍的五彩燈 siám-siám-sih-sih ê ngóo-tshái ting 一群一群的男女 tsi̍t-kûn tsi̍t-kûn ê lâm-lú 珠光寶氣 tsu-kong pó-khì 出出入入的轎車 tshut-tshut-ji̍p-ji̍p ê kiau-tshia 換來換去的人客 uānn-lâi-uānn-khì ê lâng-kheh 滿山充滿了 muá-suann tshiong-buán liáu 薰酒胭脂的氣味 hun-tsiú ian-tsi ê khì-bī 毋知是美夢 m̄-tsai sī bí-bāng 抑是惡夢 ia̍h-sī ok-bāng
山頂飯店的燈火 suann-tíng pn̄g-tiàm ê ting-hué 依然金爍爍 i-jiân kim sih-sih 依然親像阮夢中 i-jiân tshin-tshiūnn gún bāng-tiong 天頂的星星 thinn-tíng ê tshinn-tshinn
啊~北投 ah~ Pak-tâu 阮的故鄉 gún ê kòo-hiong 你的純潔 lí ê sûn-kiat 佗位去 tó-uī khì
- Special thanks to dongken for sharing the lyric.
- Special thanks to W.B. Chen for correcting the lyric.
- Related Links: W.B. Chen
All comments ( 2 )
|